Ölkə üzrə kümçülərə 6 min qutuyadək inkubasiya olunmuş ipəkqurdu toxumu paylanılacaqdır

Builki mövsümdə yaş barama istehsalı üçün Kənd Təsərrüfatı Nazirliyi tərəfindən Çindən ölkəmizə  5 min qutu hibrid ipəkqurdu sənaye toxumu (qrena) gətirilmiş və  aprelin 21-də axşam Qax Damazlıq İpəkçilik Stasiyasında inkubasiyaya qoyulmuşdur. 

 Stansiyanın direktoru Əkrəm Fətəliyev aprelin 22-də AZƏRTAC-ın bölgə müxbiri Mustafa Dadaşova bildirmişdir ki,  bundan əlavə, 2024-cü ildə Qax Damazlıq İpəkçilik Stansiyasında builki mövsümdə kümçülərə paylanılmaq üçün yerli istehsal hesabına 1000 qutu elit və sənaye tut ipəkqurdu toxumu hazırlanmışdır. Beləliklə, bu il respublika üzrə kümçülərə 6 min qutu ipəkqurdu toxumunun inkubasiya olunaraq paylanılacaqdır.